யூனியன் பப்ளிக் சர்வீஸ் கமிஷன் எனப்படும் யு.பி.எஸ்.சி., அமைப்பு பொது எழுத்துத் தேர்வு

மத்திய அரசின் அமைச்சகங்கள் தொடர்புடைய கேந்திரமான அரசுப் பணியிடங்களை யூனியன் பப்ளிக் சர்வீஸ் கமிஷன் எனப்படும் யு.பி.எஸ்.சி., அமைப்பு பொது எழுத்துத் தேர்வுகள் மூலமாக நிரப்பிவருவது அனைவரும் அறிந்ததே. இந்த அமைப்பின் சார்பாக மத்திய ராணுவ காவல்படைகளில் காலியாக உள்ள அசிஸ்டென்ட் கமான்டன்ட் காலியிடங்கள் 304ஐ நிரப்புவதற்கான அறிவிப்பு வெளியிடப்பட்டுள்ளது. பிரிவு வாரியான காலியிடங்கள் 
யு.பி.எஸ்.சி., நடத்தும் பொது எழுத்துத் தேர்வு மூலமாக அசிஸ்டென்ட் கமான்டன்ட் காலியிடங்கள் பி.எஸ்.எப்.,பில் 28ம், சி.ஆர்.பி.எப்.,பில் 94ம், சி.ஐ.எஸ்.எப்.,பில் 3ம், ஐ.டி.பி.பி.,யில் 107ம், எஸ்.எஸ்.பி.,யில் 38ம் சேர்த்து மொத்தம் 304 நிரப்பப்பட உள்ளன.

வயது : 01.08.2015 அடிப்படையில் விண்ணப்பதாரர்கள் 20 முதல் 25 வயதுக்கு உட்பட்டவராக இருக்க வேண்டும். 

கல்வித் தகுதி : அங்கீகரிக்கப்பட்ட கல்வி நிறுவனத்தின் மூலமாக ஏதாவது ஒரு பிரிவில் பட்டப் படிப்பைமுடித்திருக்க வேண்டும். 
எழுத்துத் தேர்வு மையங்கள் 
யு.பி.எஸ்.சி., நடத்தும் மத்திய ராணுவ காவல் படைகளுக்கான எழுத்துத் தேர்வு தமிழ் நாட்டில் சென்னை மற்றும் மதுரை உள்ளிட்ட நாட்டின் பல்வேறு மையங்களில் நடத்தப்படும் என்று அறிவிக்கப்பட்டுள்ளது.

விண்ணப்பக் கட்டணம்

இந்தத் தேர்வுகளை எதிர்கொள்ள
விரும்புபவர்கள் ரூ.200/--ஐ ஏதாவது ஒரு பாரத ஸ்டேட் வங்கிக் கிளையிலோ, அல்லது இந்த வங்கியின் நெட் பேங்கிங் முறையிலோ, கிரெடிட் மற்றும் டெபிட் கார்டு வாயிலாகவோ செலுத்தலாம். மகளிர் மற்றும் எஸ்.சி., எஸ்.டி.,
விண்ணப்பதாரர்களுக்கு விண்ணப்பக் கட்டணம் எதுவும் கிடையாது.

விண்ணப்பிக்கும் முறை : ஆன்-லைன் முறையில் விண்ணப்பிக்க வேண்டும். முழுமையான தகவல்களுக்குஇணையதளத்தைப் பார்க்கவும்.

விண்ணப்பிக்க இறுதி நாள் 15.05.2015